Desa Joanyar

rahina Sukra Umanis Warigadean tanggal 9 Februari 2024, Pemerintah Desa Joanyar sampun prasida ngelaksanayang parikrama Bulan Bahasa Bali sane kaping VI sane ngambil patitis "Jana Kerthi_Dharma Sadu Nuraga". Parikrama sane nyelang genah ring ruangan SD Negeri 1 Sdnsatu Joanyar puniki karauhin olih Dane Camat Seririt sane kaangganin olih Dane Kasi Sosial Budaya Kecamatan Seririt, Dane Jero Mangku Desa, Perbekel miwah perangkat desa & staff,  Manggala LPM Desa Joanyar, Jero Kelihan Adat Joanyar Kajanan, Manggala Tim Penggerak PKK Desa Joanyar, Kepala Sekolah SD Negeri 1 Joanyar, Kepala Sekolah SD Negeri 2 Joanyar utawi sane ngangganin dane, guru pengabih (wali kelas), Narawakia saking Penyuluh Bahasa Bali Kecamatan Seririt Tud Partha Muna Gd  Bhabinkamtibmas, Linmas, taler alit-alit kelas 3 SD Negeri 1 & 2 Joanyar sane mawilang 20 diri. Parikrama puniki kapungkah resmi olih Dane Perbekel Desa Joanyar Nyoman Nesa. Bulan Bahasa Bali sane kamargiang olih Pemerintah Desa Joanyar ring warsa mangkin wantah ngamargiang panuntunan nyurat aksara Bali. Alit-alite ngamolihang sarana ATK panuntunan miwah Pramana Patra. Dumogi malarapan antuk panuntunan nyurat aksara Bali puniki, aksara Bali sayan nglimbak, taler wenten pikenohnyane.