Desa Joanyar

Om Swastyastu

Ring rahina mangkin, Anggara Paing wuku Sungsang, tanggal 11 Februari 2020, kalaksanayang parikrama " Pamungkah Bulan Bahasa Bali Desa Adat Joanyar Kajanan warsa kalih tali kalih dasa, antuk tema malaparan bulan bahasa Bali, Nyujur Atma Kertih".

Parikrama puniki kalaksanayang ring Wantilan BD.Kajanan, Desa Joanyar, taler kapungkah olih Bendesa Adat Joanyar Kajanan kasarengin antuk MDA Kec Seririt miwah prajuru adat. Uleman ring rahina mangkin: Dane Jro Mangku Pura Desa/Segara rauhing Prajapati, Bapak Perbekel Desa Joanyar sane kaangganin olih Sekretaris Desa Joanyar, Manggala Majelis Desa Adat Kecamatan Seririt, Babinsa lan Bhabinkamtibmas, Sabha Desa Adat, Kertha Desa Adat, Penyuluh Bahasa Bali Kecamatan Seririt pinaka narawakia, Penyuluh Agama, BPK Adat Joanyar Kajanan. Parikrama bulan bahasa Bali sane kalaksanayang Desa Adat Joanyar Kajanan inggih punika Pelatihan Pengetikan Bali Simbar ring Komputer mantuka ring prajuru adat Joanyar Kajanan, parikrama puniki karemba olih Penyuluh Bahasa Bali Kecamatan Seririt. (luh mangku-mudita/joanyar)